ДУНДГОВЬ: Сурагчид байгаль орчны асуудлаар санал солилцов

Зүүн Хойд Азийн нутгийн захиргаадын холбооноос зохион байгуулж буй “Зүүн Хойд Азийн байгаль орчны үйл ажиллагаанд залуусын оролцоо” сэдэвт цахим хуралд Дундговь аймгийн "Цэгцбилиг" сургуулийн сурагч Б.Банзрагч, Ж.Ундрах, Б.Дэжид, Д.Нинжбадгар, Г.Мөнх-Алдар нар багш Б.Даваасүрэнгийн хамт оролцлоо.

Энэхүү цахим хуралд Япон, Солонгос, Хятад, Орос, Монгол Улсын орон нутгаас 70 гаруй сурагчид оролцож байна.

Цахим хуралд оролцож буй сурагчид говь нутагтаа тулгамдаж буй усны хомсдолын талаар Англи хэл дээр илтгэл тавьж бусад орны сурагчдын сонирхсон асуултад хариулахын зэрэгцээ байгаль орчны талаарх өөрсдийн мэдлэгээ сорилоо.