Домог болсон "BTS" хамтлагтай үзүүлбэр үзүүлсэн МОНГОЛ залуу

Дэлхийн хэмжээний алдартнууд болсон BTS хамтлагийн залуус өнгөрөгч бямба гарагт Бусан хотноо тоглолтоо хийлээ. Үнэ төлбөргүйгээр зохион байгуулагдсан уг тоглолтыг үзэхээр дэлхийн өнцөг булан бүрээс фенүүд нь цугларч Бусан хотыг хөл хөдөлгөөнөөр дүүргэжээ. 

З.Чингүүн буюу Яамакаси хэмээх тайзны нэрээрээ алдаршаад буй бүжигчин залуу өнөө цагийн домог болсон залуустай хамт тайзнаа гарчээ. "BeMbtious" хэмээх бүжгийн шоунд оролцож Солонгос улсад төдийгүй дэлхий дахины бүжиг сонирхогч залуусын танил болоод байгаа тэрээр тоглолтын өмнө карьерийнхаа оргил үед ойрхон ирээд буйгаа онцолсон. Тоглолт дууссаны дараа "Мөрөөдөл биелдэг юм. Түүнийхээ төлөө зогсолтгүй хөдөлмөрлөөрэй" хэмээжээ. 

Бүжигчдийн хувьд дэлхийн хэмжээний алдартнуудтай хамт үзүүлбэр үзүүлэх нь нэр төрийн хэрэг. Өмнө нь хэд хэдэн алдартнуудын видео клипэнд оролцож байсан тэрээр Өмнөд Солонгосын эрэлттэй бүжигчдийн тоонд хэдийнэ багтаж эхэлжээ.