ИТЭВОН | Зургаан сурагч, гурван багш амиа алджээ
Сөүл хотын Итэвон дүүрэгт амиа алдагсдын дурсгалыг хүндэтгэж, БНСУ даяар гашуудлын долоо хоногийг өнгөрүүлсэн юм. Өнөөдрөөс үйл ажиллагаанууд хэвийн үргэлжилж, гашуудлын хоногийг цуцалсан ч Итэвоны гамшигтай холбоотой эсрэгүүцлийн жагсаал зохион байгуулагдаж, БНСУ-ын эрх баригчдыг хариуцлага хүлээн огцрохыг шаардаж буй үйл явдал болсоор байна.
Энэхүү эмгэнэлт үйл явдлаас болж 20-30 насны 156 иргэн амь насаа алдсан юм. Тэдний дунд зургаан сурагч, гурван багш байсан талаар БНСУ-ын Боловсролын яам албан ёсоор мэдээлж, гэр бүлд нь эмгэнэл илэрхийлсэн байна. Хохирогчдын нэг нь Сөүлийн дунд сургуулийнх, тав нь ахлах сургуулийн сурагчид байжээ.
Түүнчлэн БНСУ-ын Батлан хамгаалахын яамнаас амь үрэгдэгсдийн дунд гурван цэргийн албан хаагч байсныг дурдаад эмгэнэл илэрхийлсэн байна.
Эх сурвалж: СNN
Холбоотой мэдээ
Сэтгэгдэл ( 0 )