“Архитектур-2023” Олон улсын чуулган боллоо

Америкийн Нэгдсэн Улсын Сан-Франциско хотод 2023 оны зургаадугаар сарын 7-10-ний өдрүүдэд “Архитектур-2023” чуулган боллоо. Тус Олон улсын чуулганд архитектур, инженерчлэл, барилгын салбарын нийт 500 гаруй үйлдвэрлэгчид оролцож, шинэ, шилдэг бүтээгдэхүүнүүдээ танилцуулан харилцан туршлага солилцлоо.

Чуулганы үеэр барилга, программ хангамж, технологийн салбарт тэргүүлж буй онцлох, шинэлэг, ухаалаг, дэвшилтэт бараа бүтээгдэхүүнүүдийг дэлгэн танилцуулж, Дэлхийд тэргүүлж буй шилдэг туршлагуудыг хуваалцаж байна.

АНУ-ын шинэ барилга байгууламжийн төлөвлөлт, эрчим хүчний хэмнэлтийн туршлага, тэдгээрт мөрдөж байгаа норм, дүрэм, стандартыг судлах, Олон улсын байгууллагуудтай холбоо тогтоох чиглэлээр Барилга, хот байгуулалтын сайд Ц.Даваасүрэн мэргэжлийн баг бүрэлдэхүүний төлөөллүүд тус чуулганд оролцож байна.