Brent маркийн газрын тосны үнэ өсөв

АНУ-ын “ICE” бирж дээр Brent маркийн газрын тосны арваннэгдүгээр сарын фючерс үнэ 89 ам.долларт хүрсэн нь 2023 оны нэгдүгээр сарын 23-аас хойш бүртгэгдэж буй хамгийн өндөр үзүүлэлт юм. WTI маркийн газрын тосны фючерс үнэ мөн 0.39 хувиар өсөж, 85.97 ам.доллар болжээ.

Шинжээчид ойрын хэдэн долоо хоногт газрын тосны зах зээл тогтворжино гэсэн хүлээлттэй байна. “Vitol” компанийн ерөнхий захирал Рассел Хардигийн хэлснээр, ОПЕК+ орнууд олборлолтоо бууруулж байгаатай холбогдуулан Энэтхэг, Кувейт, Саудын Араб, Оман, Хятад дахь газрын тос боловсруулах үйлдвэрүүдэд нийлүүлэх хүхрийн өндөр агууламжтай газрын тосны нийлүүлэлт үргэлжилнэ.

Хятад улсад үйлдвэрлэл эрчимжсэнээс гадна БНХАУ-ын тэргүүн Ши Жиньпиний эдийн засгаа дэмжих тухай мэдэгдэл нь эрэлт нэмэгдэнэ гэсэн өөдрөг төсөөллийг бий болгоод байна гэж Харди тодруулжээ.