Саран дээр ногооны талбай байгуулна

Хятадын сансар судлалын агентлаг 2028 онд төлөвлөгдсөн “Chang'e 8” сарны хөтөлбөрийн хүрээнд дэлхийн дагуул дээр ургамал бүхий экосистем байгуулахаар төлөвлөж байна.

“Chang'e 8” аппарат нарны эрчим хүчээр сарны хөрсийг хайлуулах төхөөрөмжөөр тоноглогдсон бөгөөд ирээдүйд роботын тусламжтай сарны хөрсөөр блок хийн, барилга барих юм. Экосистемийн туршилт нь сарны хөрсийг ирээдүйн сарны баазын хэрэглээний хүнс болон хүчилтөрөгч үйлдвэрлэхэд тохиромжтой эсэхийг судлах зорилготой. “Chang'e 8” нь 2030 оноос өмнө саран дээр Хятадын сансрын нисэгчдийн буулгах бэлтгэлийг хангах зорилготой юм.