Хангайн бүсэд МАН-аас нэр дэвшигчид Өвөрхангай аймгийн иргэд, сонгогчидтой уулзаж байна

Хангайн бүс буюу 1-р тойрогт МАН-аас нэр дэвшиж байгаа эрхмүүд Өвөрхангай аймгийн сумдад ажиллан, иргэд сонгогчидтой хийх уулзалтаа үргэлжлүүлж байна.

УИХ-ын дарга Г.Занданшатар, УИХ-ын гишүүн ҮББХ-ны дарга Г.Ганболд, Гадаад харилцааны сайд Б.Батцэцэг, Ерөнхийлөгчийн эдийн засгийн бодлогын зөвлөх Б.Даваадалай Өвөрхангай аймгийн Гучин-Ус, Богд, Баруунбаян-Улаан суманд ажиллан, иргэд сонгогчдод бодлого мөрийн хөтөлбөрөө танилцууллаа.

Иргэд, сонгогчид МАН-ын дэвшүүлсэн “Ард түмэн ялна” уриаг дэмжиж байгааг илэрхийлээд энэ удаагийн парламентын эхлүүлсэн нээлттэй сонсголуудыг дараагийн парламентыг үргэлжлүүлэхийг захилаа. Мөн авлига, албан тушаалын гэмт хэрэгт оногдуулдаг ялын бодлогыг чангатгасанд сайшаалтай хандаж байна.

Уулзалтын үеэр иргэд, сонгогчид “Газрыг гадаадын иргэнд 100 жилээр эзэмшүүлэх, ашиглуулах заалтыг хуулиас хасч хүчингүй болгосон, УИХ-ын хяналтын шалгалтын хуулийн дагуу Нээлттэй сонсголуудыг зохион байгуулсан”-д ам сайтай байна.

Ард түмний ялалтыг хангахын тулд Өвөрхангай аймгийн иргэд Хангайн бүсэд МАН-аас нэр дэвшиж байгаа хүмүүсийг дэмжихээ уухайлан илэрхийллээ.