Энгийн гааны навч байгалийн хүчтэй гербицид болохыг тогтоожээ

Гааны түгээмэл төрөл хогийн ургамлын эсрэг химийн гербицидийг орлох байгалийн хүчтэй бодис агуулдаг болохыг Германы Карлсруэгийн Технологийн дээд сургуулийн эрдэмтэд тогтоожээ.

“Horticulture Research” сэтгүүлд бичсэнээр, судлаачид түрүүтэй гаанд (-)-карвон гэх нэгдэл илрүүлсэн байна. Энэ бодис нь хогийн ургамлын үндсийн бичил гуурсыг гэмтээж, улмаар ургамлын эсийг устгадаг байна. Байгальд хортой уламжлалт химийн гербицидийг бодвол био гербицид нь бусад ургамалд хор багатай аж.