Хэт халалтын улмаас шумуул хурдан хөгширдөг болжээ

Вандербилтын их сургуулийн эрдэмтэд дэлхийн дулаарал шумуулыг хурдан хөгшрүүлээд зогсохгүй тэдний дархлааг сулруулдаг болохыг тогтоожээ.

“Immunity&Ageing” сэтгүүлд бичсэнээр, лабораторид явуулсан судалгаагаар хэт халуун нөхцөлд үржүүлсэн шумуулууд хурдан хөгширч, улмаар дархлаа нь мууддаг болохыг тогтоожээ. Орчны температур 27°C-ээс дээш заахад шумуулын үхэх эрсдэл нэг градус тутамд 40 хувиар нэмэгддэгийг лабораторийн туршилт харуулжээ. Агаарын температур 33°C болоход шумуул 10-11 хоног л амьдарсан байна. Энэхүү нээлт нь дэлхийн дулаарал тоос хүртээгч, өвчин тараагч болон хортон шавжийн үүрэгт нөлөөлнө гэж судлаачид дүгнэжээ.