Samsung ухаалаг нүдний шилийг ирэх сард танилцуулна

БНСУ-ын “Samsung” компани 2025 оны нэгдүгээр сард болох Galaxy S25 ухаалаг утасны танилцуулгын үеэр XR ухаалаг нүдний шилийг танилцуулахаар зэхэж байна гэж Ёнхап агентлаг дамжуулжээ.

Ухаалаг шилийн танилцуулгыг богино хэмжээний тизер хэлбэрээр хийх бол бүрэн хэмжээний танилцуулгыг ирэх оны зун болох Galaxy Unpacked арга хэмжээний үеэр хийхээр төлөвлөж байна. Тус арга хэмжээний үеэр Samsung Galaxy Z Fold7 болон Z Flip7 загварыг мөн танилцуулах аж.

Эх сурвалжуудын мэдээллээр, XR ухаалаг нүдний шил нь 50 гр жинтэй, дэлгэцгүй бөгөөд Ray-Ban Meta ухаалаг шилтэй төстэй зарчмаар ажилладаг байна. Ray-Ban Meta шил нь “Google” компанийн Gemini хиймэл оюуны системээр тоноглогдсон бөгөөд дуу хоолой болон гарын хөдөлгөөнөөр удирдах, төлбөр тооцоо хийх боломжтой.

Galaxy S25 загварын танилцуулга 2025 оны нэгдүгээр сарын 22-нд товлогджээ.