Ким Сү Хён 180 орчим тэрбум вонын өрөнд орж болзошгүй гэв

Салбарын мэргэжилтнүүд жүжигчин Ким Сү Хён 180 тэрбум вонын торгуульд орж болзошгүй гэх таамаглал дэвшүүлжээ.

Түүний дүр бүтээж буй Диснейн уран бүтээл болох "Knock-Off" кино ирэх дөрөвдүгээр сард нээлтээ хийх байсан ч үүсээд буй нөхцөл байдалтай холбогдуулан нээлтээ хойшлуулаад буй аж. Нийт 18 ангитай уг кино хоёр бүлэгтэйгээр үзэгчдэд хүрэх байсан бөгөөд нэгдүгээр бүлгийн зураг авалт хэдийнэ дуусаад байсан бол хоёрдугаар улирлын зураг авалтыг ирэх сард дуусгах төлөвлөгөөтэй байсан. Гэсэн ч зураг авалтыг бүрэн зогсоогоод байна. 

Тус кино нийт 60 тэрбум вонын төсөвтэйгээр бүтэж буй. Жүжигчин Ким Сү Хён нэг ангид 500 сая воноор тоглож буй бөгөөд түүнд зарцуулсан нийт төсөв ойролцоогоор 9 тэрбум вон буюу нийт төсвийн 15 орчим хувийг эзэлж байгаа аж. 

Киноны нээлт хойшилсноос үүдэн Ким Сү Хён торгуульд унаж болзошгүй нөхцөл байдал үүсээд буй бөгөөд гэрээнд зааснаар нийт төлбөрийг 2-3 дахин нэмэгдүүлсэнтэй тэнцэх хэмжээний торгуульд унах төлөвтэй байна. Хэрэв уг кино бүхэлдээ бүтэлгүйтвэл киноны нийт зардал болох 60 тэрбум воныг тэрээр дангаараа хариуцан 180 тэрбум вон хүртэлх хэмжээний өрөнд орж болзошгүй юм. 

Үүнээс гадна тэрээр тансаг зэрэглэлийн брэндүүдтэй хамтран ажиллаж байсан. Eider, Shabu All Day, Dinto, Homeplus, Shinhan Bank, Tous Les Jours, Cuckoo, Prada, Jo Malone London зэрэг нийт 16 компанитай хамтран ажиллаж байсан тэрээр нэг газартай жилд дунджаар 700 сая вонын гэрээ хийжээ. Ийнхүү тооцооллоор тэрээр дор хаяж 22 тэрбум вонын торгуульд унаж болзошгүй байгаа бөгөөд энэхүү дүн байгуулсан гэрээнээс шалтгаалан мөн 2-3 дахин үржигдэх боломжтой. Нийлбэр дүнгээр тэрээр 200 сая орчим вонын өрөнд орж болзошгүй гэжээ.