Ким Сү Хёны хэрэгт Жон Хе Инийг татан оролцуулж эхэлжээ

Интернэт хэрэглэгчид Ким Сү Хёны холбогдох хэрэгт жүжигчин Жон Хе Иний нэрийг татан оролцуулж, шаардлага тавьж эхэлжээ. 

Жүжигчин Жон Хе Ин саяхан MBC-ийн "Good Day" нэвтрүүлэгт G-Dragon, Ким Сү Хён, Им Ши Ван, Кван Хи, И Сү Хёг нартай хамт оролцсон. Уг шоуны үеэр Ким Сү Хёнтой дотноссон Жон Хе Ин өөрийн инстаграмаараа Ким Сү Хёныг дагасаар байгаа нь шүүмжлэл дагуулж эхэлсэн байна. 

Тус шоунд хамтдаа оролцсон хүмүүсээс Им Ши Ван өөрийн инстаграмаараа Ким Сү Хёныг дагадаг байсан. Түүнд интернэт хэрэглэгчид Ким Сү Хёныг дагахаа болих шаардлага мөн тавьсан бөгөөд Им Ши Ван өөрийн харьяа агентлагийнхаа хаягаас бусад бүх хаягийг дагахаа больжээ. 

Интернэт хэрэглэгчдийн энэхүү үйлдэл Жон Хе Иний шүтэн бишрэгчдийг талцахад хүргэжээ. Зарим нь "Жон Хе Иний хувийн харилцаа, найз нөхөрлөлийг хүртэл хүмүүс яагаад зааж, зааварчлах гээд байгаа юм бэ" хэмээсэн бол нөгөө хэсэг нь "Өөрийнхөө сайн сайхны төлөө түүнийг дагахаа больсон нь дээр" гэжээ. 

Уг шүүмжлэлд комедиан Жу Се Ху ч мөн өртжээ. Түүнийг Ким Сү Хёныг дагахаа больсон гэх цуурхал дэлгэрсэн ба Жу Се Ху уг цуурхалд "Би түүнийг хэзээ ч дагаж байгаагүй" гэх хариу тайлбар өгсөн байна. 

Ким Сү Хёнтой холбоотой асуудлаас үүдэн "Good Day" шоунд багагүй хүндрэл учирсан. Продакшны багийнхан нөхцөл байдлыг харгалзан үзэж, шоугаа түр хугацаагаар хойшлуулан Ким Сү Хёны хэсгүүдийг боломжит хувилбараар хасаж үзэгчдэд хүргэсэн билээ.