АНУ-ын хилийн хууль бусаар нэвтрэх оролдлого огцом буурчээ

АНУ, Мексикийн хилийг хууль бусаар нэвтрэх оролдлогын тоо өнгөрсөн гуравдугаар сард огцом буурсан тухай АНУ-ын дотоодын аюулгүй байдлын яамнаас мэдээлжээ.

Өнгөрсөн сард АНУ-ын хилийн хууль бусаар нэвтрэх долоон мянга орчим оролдлого бүртгэгдсэн бол 2024 оны мөн сард 137 мянгад хүрдэг байжээ. Энэ нь Доналд Трампын хилийн хяналтыг чангатгах бодлоготой холбоотой.

Үүнтэй зэрэгцэн Цагаачлалын албаны түр саатуулах байрууд дүүрсэн тул тус алба Конгресст хандан хууль бус цагаачдыг албадан гаргах кампанит ажилд санхүүгийн дэмжлэг үзүүлж, нэмэлт байр гаргах боломжоор хангах хүсэлт хүргүүлээд байна. Трампын бодлого хэрэгжиж эхэлснээс 50 хоногийн дотор 32 мянган хууль бус цагаачийг баривчилжээ.