2025-2026 оны хичээлийн жилд Эдүтэн хөтөлбөрөөр 510 мянган хүүхэд суралцжээ
Боловсролын сайд Л.Энх-Амгалан Нийслэлийн боловсролын салбарын хүртээмжийг нэмэгдүүлэх цогц арга хэмжээний хүрээнд нийслэлийн дүүргүүдэд гурван өдөр ажилласан. Чингэлтэй, Сүхбаатар дүүргийн боловсролын салбарын төлөөлөлтэй уулзлаа. Эдгээр дүүргийн зарим сургууль сургалтын үйл ажиллагаандаа цахим сургалтын арга барилыг хэдийн нэвтрүүлсэн сайн жишээ олон байгааг дурдлаа.
23 дугаар сургууль 2015 оноос эхлэн цахим шилжилтийг хэрэгжүүлж эхэлсэн. Гадаад хэлний гүнзгийрүүлсэн сургалтад онол, дүрмийн хичээлүүдийг цахимжуулж, танхимын хичээлээр зөвхөн ярианы дадлага, хэлэлцүүлэг явуулах "Тонгоруу сургалтын арга зүй"-н загварыг туршжээ.
Мөн 50 дугаар сургуулийн багш нар шинээр контент бэлтгэхийн зэрэгцээ medle.mn платформын бэлэн хичээлүүдийг ашиглан сургалтаа удирджээ. Ингэснээр хүүхэд бүртэй тулж ажиллах, хоцрогдлыг арилгахад зарцуулах багшийн сул цагийг 30 гаруй хувиар нэмэгдүүлж, хяналтыг сайжруулсан байна.
2025–2026 оны хичээлийн жилд PEARSON англи хэлний хөтөлбөрөөр 424 мянган суралцагч суралцсан.
Эдүтэн математикийн цахим хөтөлбөрөөр дамжуулан 1–6 дугаар ангийн бүх сурагч, 7–9 дүгээр ангийн сурагчид сонголтоор хэрэглэж, нийт хамрагдсан хүүхдийн тоо 510 мянгад хүрсэн байна.
LEARNETIC дижитал интерактив сурах бичгийг 1–5 дугаар ангийн сурагчид ашиглаж, нийт 12 мянган дасгал, даалгаврыг ажиллах боломжтой болжээ.
Сэтгэгдэл ( 0 )