СЭРЭМЖЛҮҮЛЭГ | Могойд хатгуулахаас сэргийлье

Үндэсний их баяр наадам, амралтын өдрүүдэд ой, хээр, уул, хад асгатай бүсээр аялж, зугаалах иргэдийн анхааралд.

Могойд хатгуулах эрсдэлээс өөрийгөө болон гэр бүлийнхнээ хамгаалахын тулд дараах зөвлөмжийг мөрдөөрэй.

• Өндөр түрийтэй битүү гутал өмсөх
• Өндөр өвс, бут сөөг, хад асгатай газраар болгоомжтой зорчих
• Могойтой таарвал ойртож, цочоох, барих гэж оролдохгүй байх
• Бага насны хүүхдийг хараа хяналтгүй орхихгүй байх

Хэрэв могойд хатгуулсан бол:

• Аль болох тайван байж хөдөлгөөнөө хязгаарлана.
• Яаралтай хамгийн ойр байрлах эрүүл мэндийн байгууллагад хандана.
• Шархыг зүсэх, хор сорох, чанга боох зэрэг буруу аргыг хэрэглэхгүй.