Сумын харцага Р.Амгаланбаатарын барилдах эрхийг түдгэлзүүллээ

Өнөөдөр Монголын үндэсний бөхийн холбооноос мэдэгдэл гаргалаа. 

Уг мэдэгдэлд "Говь-Алтай аймгийн Цээл сумын баяр наадмын бөхийн барилдаанд учраа бөхөө санаатайгаар цохьсон сумын харцага цолтой Р.Амгаланбаатарын үйлдлийг Говь-Алтай аймгийн цагдаагийн газраас шалгаж, Прокурорын байгууллагаас хянаж байгаа бөгөөд МҮБХ-ны Ёс зүй, сахилга хариуцлагын зөвлөлөөс Р.Амгаланбаатарын барилдах эрхийг түдгэлзүүлсэн болно" гэжээ.

Сумын харцага Р.Амгаланбаатарын дээрх үйлдлийг хуулийн байгууллагаас шалгаж эхэлсэн бөгөөд уг хэргийг шийдвэрлэгдэх хүртэл тэрбээр ийнхүү барилдах эрхгүй болоод байна.