Нүүрсний олборлолт, экспортын хэмжээ өсжээ

Өчигдрийн байдлаар өссөн дүнгээр 26027,9 мян.тн нүүрс олборлосон гэдгийг Ашигт малтмал газрын тосны газраас мэдээллээ. Мөн 23219,5 мян.тн нүүрс борлуулсанаас 19145,4 мян.тн нүүрс экспортонд гаргажээ. Үүнийг өнгөрсөн оны мөн үетэй харьцуулбал олборлолт 104,1, борлуулалт 73.56, экспорт 98.89 хувиар тус тус өссөн үзүүлэлт юм.

Зүүн бүсийн эрчим хүчний хэрэглээ нэмэгдсэн тул Тамсаг, Тосон-Уулын орд газарт ашиглах эрчим хүчний хэрэглээг хязгаарлаж байгаа аж. Үүнээс шалтгаалан газрын тосны олборлолтын хэмжээ буурах нөхцөл үүсжээ. Орд ашиглалтын үйл ажиллагааг хэвийн явуулах, олборлолтыг нэмэгдүүлэх үүднээс эрчим хүчний нөөц эх үүсвэрийг татах асуудлыг гэрээлэгч компаниас дэвшүүлсэн байна. Гэвч уг асуудлыг Эрчим хүчний яам өнөөг хүртэл шийдвэрлээгүй байгаа аж.

Түүнчлэн олборлолтын хэмжээ буурахад дэд бүтэц, эрчим хүчний хангамж, дэлхийн зах зээл дээрх газрын тосны  үнэ бууралт, ханшийн зөрүүгээс төсвийн орлого бүрдүүлэлтэд хүндрэл гарч байгаа гэлээ.

Д.Тамир

WWW.ZINDAA.MN