Ипотекийн найман хувийн зээлийн журамд өөрчлөлт ороогүй, харин...

Автор | Zindaa.mn
2017 оны 08 сарын 04

Монгол Улсын Засгийн газар зургаан сарын хугацааны хэлэлцээрийн хүрээнд 2017 оны тавдугаар сарын 24-ний өдрөөс эхлэн “Өргөтгөсөн санхүүжилтийн хөтөлбөр”-ийг гурван жилийн хугацаанд хэрэгжүүлэхээр болсон. Энэ хүрээнд ОУВС-гаас 440 сая ам.долларын санхүүжилт олгох бол ОУВС болон олон улсын байгууллагууд болон хандивлагч орнуудаас нийт 5,5 тэрбум орчим ам.долларын хөнгөлөлттэй санхүүжилт авахаар тусгагдсан юм. 

Хөтөлбөрт хамрагдсантай холбогдуулан Ноён Коши Матайгаар ахлуулсан Олон Улсын Валютын Сан (ОУВС)-гийн ажлын хэсэг өнгөрсөн сарын 19-нөөс энэ сарын 2-ны өдрүүдэд манай улсад ажиллаж, Өргөтгөсөн санхүүжилтийн хөтөлбөрийн эхний шатны үнэлгээний хэлэлцүүлгийг хийлээ. Эдийн засгийн гол хөшүүрэг болсон ипотекийн зээлийг хэвээр нь үргэлжлүүлэхийг ОУВС-гийнхан хөтөлбөрт хамрагдах үеэр сануулсан удаатай. Өөрөөр хэлбэл ОУВС "Ипотекийн зээлийг  үргэлжлүүлэх нь зөв. Гэхдээ үүнийг хариуцах эзэн нь  Монгол банк биш Засгийн газар" хэмээсэн байдаг. Иймээс ирэх оноос эхлэн Засгийн газар тус хөтөлбөрийг хэрэгжүүлэхээр болж байгаа юм.  Харин энэ онд одоо хэрэгжиж байгаа журмаар буюу ипотекийн зээлээр баталгаажсан бондын эргэн төлөлт, хүүгийн төлбөрөөс санхүүжүүлэхээр шийдвэрлэсэн. Энэ нь тухайн сард хэдий хэмжээний эргэн төлөлт хийгдэнэ, тэр хэмжээгээр санхүүжилт хийгдэнэ гэсэн үг. Монголбанк тухайн сард олгох ипотекийн зээлийн эх үүсвэрийн дээд хэмжээг зээл олгож буй банк бүрт мэдэгдэнэ. Энэ дагуу банкууд зээлийн шийдвэрээ гаргаж, өөрийн эх үүсвэрээр ипотекийн зээлийг олгосны дараа Монголбанк санхүүжилтийг олгоно.

Өнгөрсөн оны аравдугаар сараас хойш ипотекийн зээл энэ хэлбэрээр олгогдож, сард дунджаар 25-30 тэрбум төгрөгийн санхүүжилтийн хүрээнд 600 орчим зээлдэгч шинээр ипотекийн зээлд хамрагдаж байгаа юм. Тодруулбал, өнгөрөгч 7 дугаар сард Монголбанк болон Засгийн газар хамтран нийт 28.3 тэрбум төгрөгийн ипотекийн зээлийн санхүүжилтийг гаргажээ. Ингэхдээ Монголбанкнаас 251 зээлдэгчийн 15.98 тэрбум төгрөгийн эх үүсвэрийг шийдсэн бол Засгийн газраас 157 зээлдэгчийн 9.07 тэрбум төгрөгийн эх үүсвэрийг тус тус олгосон байна. Ингэснээр тухайн сард нийт 408 зээлдэгч шинээр ипотекийн зээлд хамрагджээ. 

Ийн Монголбанкны мэдэлд буй Ипотекийн зээлээр баталгаажсан бондын эргэн төлөлт, купоны төлбөрөөс санхүүжүүлэх болсон нь зээлд хамрагдсан иргэдийн тоо өмнөх жилүүдээс буурсан үзүүлэлттэй байна. Үүнийг тоон дүнгээр гаргавал, энэ оны зургадугаар сарын байдлаар банкууд 1105 зээлдэгчид 73.4 тэрбум төгрөгийн ипотекийн зээл олгосноор нийт зээлдэгчдийн тоо 91.9 мянгад хүрсэн байна. Үүнийг 2016 оны зургадугаар сарын 30-ны өдрийн байдалтай харьцуулахад банкууд 9427 иргэний 580.3 тэрбум төгрөгийн зээлийн хүсэлтийг хүлээн авч, 2887 иргэний таван хувийн хүүтэй 136.7 тэрбум төгрөгийн, 5318 иргэний найман хувийн хүүтэй 358 тэрбум төгрөгийн зээлийг тус тус олгохоор шийдвэрлэсэн байна.
 
Тэгвэл сүүлийн үед  орон сууцны ипотекийн зээлийн журамд дахин өөрчлөлт орсон талаар зарим хэвлэл мэдээллийн хэрэгслээр гарах болсон. Тэгвэл энэхүү мэдээлэл нь ташаа болохыг Монголбанкнаас мэдээллээ. Тодруулбал, ипотекийн найман хувийн зээлийн журам өөрчлөгдөөгүй.  Харин арилжааны банкуудын өөрийн эх үүсвэрээр олгох орон сууцны ипотекийн зээлийн журамд өөрчлөлт оруулах асуудал яригдаж байгаа аж. Гэхдээ үүнийг Захиргааны ерөнхий хуулийн 62.1 дэх заалтын дагуу олон нийтийн санал авах юм. Арилжааны банкууд өөрсдийн эрсдлээ даагаад тухайн сард хичнээн зээлдэгчдэд зээл олгох эсэхээ өөрсдийн дотоод журам, шалгуурынхаа дагуу олгодог. Ингэхдээ тухайн банк хамтран ажилладаг хотхон, хорооллын орон сууцнаас худалдан авах иргэдийн зээлийн хүсэлтийг хүлээн авч байна. Тухайлбал, "Голомт", "Худалдаа хөгжлийн банк" өөрсдийн санхүүжүүлсэн барилгуудаг зээл олгож байгаа юм.

 

Б.Алтжин 

 

 

 


 

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
IVANA LUKA (197.210.28.10)  2017 оны 08 сарын 25

Таны өрийг төлөхөд яаралтай зээл хэрэгтэй юу эсвэл таны бизнесийг засах зээл хэрэгтэй юу? Та нэгтгэх зээл эсвэл моргейжийн зээл хэрэгтэй юу? Банкууд болон бусад санхүүгийн байгууллагуудаас татгалзсан уу? Та бүхэн санхүүгийн асуудлуудаа өнгөрсөн зүйл болгохын тулд энд байгаа тул хайхаас өөр зүйл хайхгүй !! Бид бага хүүтэй, боломжийн үнээр 2% -ийн хувь оролцоо бүхий хувийн хэвшлийн аж ахуйн нэгж, иргэдэд зээл олгодог. Та и-мэйлээр бидэнтэй холбоо барьж болно: (ivanaluka04@gmail.com) DATA APPLICATIONS 1) нэр ........................... 2) Улс ....................... 3) Хаяг ....................

0  |  0
ЦЭЦЭГ (202.9.41.5)  2017 оны 08 сарын 04

ОУВС ЫН ХӨРӨНГӨ ОРУУЛАЛТ ГЭЭД БАЙГАА ЮМ НЬ АРД ТҮМЭНИЙ ХОДООДЫГ ХОНХОЙЛГОЖ ДЭЛХИЙД ӨӨР ХААНА Ч БАЙХГҮЙ ӨНДӨР ХҮҮГЭЭР МӨНГӨ УГААЖ БАЙНА ЕР НЬ ЭНЭ ОРОН СУУЦНЫ ЗЭЭЛ БОЛ ЁСТОЙ ДАВАРСАН ЛУЙВАР МАНАЙХАН ӨӨРСДӨӨ Ч АРД ТҮМЭНЭЭ ШУЛАЖ БАЙНА ЭНЭ БОЛ ТӨРИЙН БОДЛОГО ТАС БУРУУ БАЙГААГЫН НЭГ НОТОЛГОО

0  |  0
Судлаач (27.123.212.132)  2017 оны 08 сарын 04

8 хувийн зээлд хууртаж үнэтэй байр авдаг хүмүүс зөвхөн Монгол улсад байдаг. 15 хувьтай байхад 900,0 байсан байр 8 хувийн зээл өгч эхлэхэд 2.7 сая болдог газар зөвхөн Монгол л байх даа

0  |  0
zochin889 (182.160.37.122)  2017 оны 08 сарын 04

ipotekiin zeeliin hug buuruulmaar bna ard tumen tuildaj bna shuu end hamag mongoo ogood

0  |  0
зочин (103.57.95.252)  2017 оны 08 сарын 04

Тэнгис кинотеатрын чанх хойно, гал зуух тусдаа 2 өрөө байр түрээслүүлнэ. 99041126

0  |  0
Top