Шеньхуа Энержи Хятад дахь хоёр уурхайгаа зогсоожээ

 БНХАУ-ын төрийн өмчит Шеньхуа Энержи групп Өвөр Монгол дахь хоёр томоохон ил уурхайн үйл ажиллагааг зогсоосон байна. Шеньхуа Энержи групп нь Монгол Улсаас нүүрс импортлох, олон жил худалдан авах ажиллагаа явуулж ирсэн өмнөд хөршийн томоохон уул уурхайн компани юм.

Энэ компани Хятад дахь олборлолтоо зогсоосон нь Монголын уул уурхайн компаниудад ашигтай гэж эдийн засагчид онцолж байна.

Монгол Улсын нүүрсний экспорт нэмэгдэх, түүнчлэн үнийн хувьд ашигтай байх боломжтой аж.  Mongolia Growth Group-ийн гүйцэтгэх захирал Харрис Купперман “Энэ бол Монголын нүүрс олборлогчдод том боломж” хэмээн онцолжээ. Дашрамд сонирхуулахад, удахгүй Улаанбаатарт олон улсын “Coal Mongolia” чуулга уулзалт болох юм.