АПУ компани хаалттай хувьцаа гаргахаар болжээ

 АПУ компани хувьцаа эзэмшигчдийнхээ ээлжит хурлыг энэ сарын 18-нд зарлаад байна.  Хувьцаа эзэмшигчдийн хурлаар АПУ компанид “Эвергрийн инвестментс” компанийг нэгтгэх замаар өөрчлөн байгуулахаар төлөвлөж буй ажээ.

 Компаниудыг нэгтгэх өөрчлөлт хийгдэхээс гадна компанийн хаалттай хувьцаа гаргахаар болсон байна. Компани хувьцаа эзэмшигчдийн хурлаар дараах асуудлыг хэлэлцэхээр тусгажээ.

1) АПУ ХК-ийг тусгаарлах замаар өөрчлөн байгуулах, шинээр охин компани үүсгэн байгуулахыг зөвшөөрөх тухай;

2) АПУ ХК-д Эвэргрийн Инвестментс ХХК-ийг нэгтгэх замаар өөрчлөн байгуулахыг зөвшөөрөх, нэгтгэх замаар өөрчлөн байгуулах төсөл (цаашид “нэгтгэх төсөл” гэх), нэгтгэх гэрээг батлах тухай;

3) АПУ ХК-д Эвэргрийн Инвестментс ХХК-ийг нэгтгэхтэй холбогдуулан хаалттай хүрээнд нэмж хувьцаа гаргах тухай;

4) АПУ ХК-д Эвэргрийн Инвестментс ХХК-ийг нэгтгэхтэй холбогдуулан хаалттай хүрээнд нэмж гаргах хувьцаанаас тэргүүн ээлжинд худалдан авах эрхийг эдлүүлэхгүй байх тухай;

5) АПУ ХК-ийн Дүрмийн нэмэлт, өөрчлөлтийг батлах тухай;

Т.Түвшин