Цагаан хадны гаалийн хяналтыг зогсоохоор болов
Монгол Улсын Засгийн газрын ээлжит хуралдаан өнөөдөр /2017-08-17-нд/ болж нүүрсний тээвэрлэлтийн тухай хэлэлцэж, Цагаан хадны гаалийн хяналтыг зогсоохоор болов.
Засгийн газрын хуралдаанаар сүүлийн өдрүүдэд нүүрс тээвэрлэлтэд тулгарч буй хүндрэлтэй зарим асуудлын талаар хэлэлцэж шийдвэр гаргалаа. Өмнөговь аймгийн нутгаас нийт 104 аж ахуйн нэгжийн 6331 тээврийн хэрэгсэл нүүрс тээвэрлэх тусгай зөвшөөрөлтэй. Энэ хүчин чадлаар 2017 онд 24.2 сая тонн нүүрс экспортлохоор төлөвлөснөөс энэ оны долдугаар сарын байдлаар 50.3 хувийг нь тээвэрлээд байна. Хэрвээ төлөвлөсөн 24.2 сая тонн нүүрсээ бүрэн экспортолно гэвэл үлдэж буй хугацаанд хоногт 1600-гаас доошгүй тээврийн хэрэгслээр тээвэр гүйцэтгүүлэх шаардлагатай. Гэвч сүүлийн үед нүүрсний тээвэрлэлтэд зарим хүндрэл үүсээд байгааг Засгийн газрын хуралдаанаар хэлэлцэж дараахь шийдвэрийг гаргалаа. Үүнд:
-Гашуунсухайт-Ганц модны хилийн боомтын нэвтрүүлэх чадварыг сайжруулах, гарч буй зөрчлийг бууруулах үүднээс орчин үеийн рентген аппаратаар тоноглохыг Сангийн сайд, Хуульзүй, дотоод хэргийн сайд нарт,
-Нүүрсний экспорттой холбоотой БНХАУ-ын талд гарч байгаа саатлыг арилгах талаар тус улсын талтай ярилцаж шийдвэрлэхийг Гадаад харилцааны сайд, Хуульзүй, дотоод хэргийн сайд, Зам тээвэр хөгжлийн сайд нарт,
-Богино рейсийн тээвэрлэлт хийж буй тээврийн хэрэгслүүд хөдөлгөөний эрчимд саад болох, мөн хил, гаалиар хориотой бараа тээвэрлэх боломж бүрдэж байгаа тул Өмнөговь аймгийн Ханбогд сумын нутагт байрлах Цагаан хадны гаалийн хяналтын талбайн үйл ажиллагааг бүрмөсөн зогсоохыг холбогдох сайд нарт тус тус үүрэг болголоо.
Холбоотой мэдээ
Сэтгэгдэл ( 3 )
Энэ бол маш эмэгнэлтэй маш олон хүнийг хоолноос салгах шийдвэр
soliorson ym hiih nvrsel vnte gargahal bodno biz hiler ami amidarla zalgulj yva hdn myngan hvn bi tedng hen tejeh be
Алтанхуяг ё/сайд байхдаа яалаа даа. Араас нь орохвий дээ. Хятад ” Бид Монголоос нүүрс заавал авах гээд байхгүй ээ” гэж хэлсэн ш дээ. Хятадууд ерөнхийлөгчийн сонгуулийн дараагаас л хяналтаа шангалсан дүр үзүүлээд л байх шиг. Гэтэл гааль дээр хууль бус зүйл гаргах үйлдэл гараагүй байхад худал цуурхал ярьж бгаа.