ОУВС-гийн хөтөлбөр тогтвортой үргэлжилнэ
Монгол Улсын Ерөнхий сайд У.Хүрэлсүх 2017 оны 10 дугаар сарын 30-ны өдөр ОУВС-гийн Монголыг хариуцсан Ажлын хэсгийн ахлагч Жэофф Готтлиб болон ОУВС-гийн Монгол дахь суурин төлөөлөгч Нэйл Сакер нарыг хүлээн авч уулзав.
Ерөнхий сайдаар томилогдсонд нь Ажлын хэсгийн ахлагч Жоэфф Готтбил баяр хүргээд ОУВС-гийн Өргөтгөсөн санхүүжилтийн хөтөлбөр тогтвортой үргэлжлэх болсныг дуулгалаа.
Ерөнхий сайд У.Хүрэлсүх томилогдсон даруйдаа хөтөлбөрийг үргэлжлүүлэхийг хүссэн албан захидлыг ОУВС-гийн гүйцэтгэх захирал Кристин Лагердад илгээсэн нь цаг үеэ олсон алхам болсон. Үүний дүнд өнгөрсөн зургаадугаар сараас хойш зогсонги байдалд орсон хөтөлбөр хэвийн үргэлжилж, донор орнууд болон хөрөнгө оруулагчид санхүүжилтээ олгох болсныг тодотгов.
ОУВС-гийн энэ шийдвэрт талархаж байгаагаа Ерөнхий сайд У.Хүрэлсүх илэрхийлээд цаашид төсвийн сахилга батыг сайжруулж, төсвийн алдагдлыг бууруулан, Засгийн газрын бонд гаргахаас зайлсхийж, аль болох давсан орлого, нэмэлт эх үүсвэрээр өрийн хэмжээг багасгахыг зорьж байгааг тэмдэглэв.
Мөн уулзалтаар тулгамдаж байгаа зарим асуудлыг шийдвэрлэх арга зам, гарцын талаар санал солилцов гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
Холбоотой мэдээ
Сэтгэгдэл ( 5 )
Eronhii said saiduuddaa gishyyded hatuu shaardlagatai ajillah baih gej naidaj bna, ulsiin horongo ideh sonirholtoi hymyysiig sain hyanah heregtei
Eronhii said saiduuddaa gishyyded hatuu shaardlagatai ajillah baih gej naidaj bna, ulsiin horongo ideh sonirholtoi hymyysiig sain hyanah heregtei
Шинэ засгийн газрын ажил хурдацтай байгаа шигээ ахицтай байгаасайдаа
Ерөнхий сайд ажилдаа шуурхай орж байгаа нь дажгүй санагдаж байна. Одоо хийх ажлыг нь харах л үлдлээ
Хүрэлсүх угаасаа бусармаг зүйл хийх хүн биш. Үнэний төлөө тэмцэж чаддаг ардын баатар шүү дээ.