Банк бус санхүүгийн байгууллагуудын нийт актив 906 тэрбум төгрөгт хүрчээ

Санхүүгийн зохицуулах хорооноос жилийн хугацаанд банк бус санхүүгийн байгууллагуудыг чадавхжуулах, хувь нийлүүлсэн хөрөнгийг нэмэгдүүлэх бодлого явуулсан. Үр дүнд нь энэ оны гуравдугаар улирлын байдлаар тус салбарын нийт актив 906 тэрбум төгрөгт хүрчээ. Хувь нийлүүлсэн хөрөнгийн хэмжээ 160.7 тэрбум төгрөгөөр буюу 41,3 хувиар өссөн аж.  Банк бус санхүүгийн байгууллагуудын  зээлийн жигнэсэн дундаж хүү сүүлийн улирлуудад буурсаар байна.   Өртөг зардал багатай эх үүсвэр нэмэгдсэн болон бусад холбогдох хүчин зүйлийн нөлөөгөөр нийт зээлийн хэмжээ өмнөх оны дүнтэй харьцуулахад 32.3 хувиар өсч 592.4 тэрбум төгрөг болж, зээлийн сарын дундаж хүү жилийн өмнөхөөс 0.8 пунктээр буурч 3.4 хувь болжээ.

А.Эрдэнэ

www.zindaa.mn