Хүнтэй гэрлэхээс татгалзсан охиноо зодож, боомилжээ

2018 оны 03 сарын 27

Америкийн Техас мужид 16 настай охинтойгоо зүй бусаар харьцсан, ирак гаралтай гэр бүлийн хосыг мөрдөн шалгаж байна.

Маариб аль-Хишмави (Maarib Al Hishmawi)-ын эцэг эх нь хүнтэй гэрлэхээс татгалзсан охиноо хогийн шүүрээр зодож, халуун тосоор цацан, гэрлэлтийг зөвшөөрөхийг шаардан хоолойг нь боомилсон гэнэ.

Охины ирээдүйн нөхөр түүнтэй гэрлэхийн тулд 20 мянган доллар төлсөн байсан хэмээн орон нутгийн цагдаагийн газрын дарга Хавье Салазар мэдээлжээ.

Аль-Хишмави зодуур тамлалтыг тэвчилгүй гэрээсээ оргон зугатсан байна. Энэ оны нэгдүгээр сарын сүүлчээр түүнийг эрж хайх ажиллагаа зарлагдсан бөгөөд гуравдугаар сарын дундуур олоод халамжийн байгууллага руу илгээсэн аж.

Ингээд охины алга болсон нөхцөл шалтгааныг тодруулсны дараа түүний дүү нарыг мөн асрамжийн газарт илгээн, харин эцэг эхийг нь баривчлан саатуулжээ. Мөн охинтой гэрлэхээр төлбөр төлсөн этгээдийг хариуцлагад татах талаар цагдаагийн газрын төлөөлөгч мэдэгдсэн байна.

Д.Мөрөн


Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
5464 (84.109.241.24)  2018 оны 03 сарын 27

Америкт байсан тулдаа энэ охиныг хамгаалалтанд авч дэ. Арабын ертөнц аймаар.

0  |  0
zochin (139.5.216.192)  2018 оны 03 сарын 27

ene arabuud iim l khogiin khumuus dee

0  |  0
Top