“Ард Даатгал”-ын хувьцааг арилжаалахыг зөвшөөрлөө

Мөн “Ард Даатгал” ХХК  анхдагч зах зээл дээр хувьцаагаа гаргахаар болсон талаар мэдээлсэн билээ. Тэгвэл Санхүүгийн Зохицуулах Хорооны хуралдаанаар  “Ард Даатгал” ХХК-ийн нэг бүр нь 200 төгрөгийн нэрлэсэн үнэ бүхий 25  сая хувьцааг үнэт цаасны бүртгэлд  бүртгэлээ.  Ингэснээр “Ард Даатгал” ХХК бүртгэлд авсан хувьцааныхаа 30 хувь буюу  7.5 сая ширхэг хувьцааг 700 төгрөгийн  тогтоосон үнээр хөрөнгийн биржээр дамжуулан арилжаалахаар болж байна.

“Ард Даатгал” ХХК-д “БиДиСек ҮЦК” ХХК андеррайтерийн үйлчилгээ үзүүлж байгаа бол хуулийн зөвлөхөөр өмгөөллийн “ИЭлСи” ХХН, үнэлгээний байгууллагаар “БДО Аудит” ХХК, аудитын байгууллагаар “Далайван аудит” ХХК тус тус ажиллаж байгаа юм.

Э.Болор

WWW.ZINDAA.MN