Автомашины алдарт “Цох” загварыг дахин үйлдвэрлэхгүй
Германы автомашин үйлдвэрлэгч “Вольксваген” компанийн домогт “Цох” загвар дахин үйлдвэрлэгдэхгүй болжээ. “Цох” загварыг үйлдвэрлэхэд үйлдвэрлэлийн зардал өндөр байгаа ч борлуулалтын орлого өмнөх шигээ биш, хэрэглэгчдийн сонирхлыг татахаа больсон тул дээрх шийдвэрийг гаргасан байна. Компанийн ирүүлсэн мэдээллээр ирэх 2019 оноос эхлэн үйлдвэрлэхгүй болжээ. Харин хамгийн сүүлийн “Цох” загвар 2019 оны долдугаар сард худалдаанд гарах юм байна.
“Вольксваген” компани 1938 онд “Цох” загварыг анх худалдаанд гаргаж байжээ. 1960-аад оны үед Хойд Америкийн зах зээлд хамгийн их борлогдож тус компанийн түүхэнд хамгийн их борлогдсон автомашин болж байсан түүхтэй. 2017 оны нэгдсэн тайлангаас харвал АНУ-ын зах зээлд 15 мянга, дэлхий даяар ердөө 420 мянган ширхэг борлуулагдсан байна.
Б.Азаа
zindaa.mn
Холбоотой мэдээ
Сэтгэгдэл ( 1 )
Ээ хөөрхий цалгиж явсан үе бий нь бий дээ