Монголын загварын гол наадам ”Гоёл” эхлэхэд 2 хоног үлдлээ

Загвар зохион бүтээгчдийн ур ухаан, сэтгэл зүтгэл шингэсэн бүтээлийг олон нийтэд танилцуулах, загвар өмсөгчдийн ур чадварыг сорих гол өрсөлдөөн болсон  “Гоёл-2019” наадам хоёр хоногийн дараа болох гэж байна.

31 дэх удаагийн "Гоёл" наадмыг арваннэгдүгээр сарын 30-нд 18:00 цагаас Соёлын төв өргөөнд зохион байгуулахаар бэлтгэл ажил хангагджээ.

Монголын дизайнеруудын холбоо "Гоёл"-ын гол зохион байгуулагч юм. Тэд "Гоёл" наадмыг угтаж энэ сарын 26, 27, 28-нд "Blue sky” цамхагт “Загварын долоо хоног”-ийг амжилттай толилууллаа. Энэ жилийн "Гоёл"-ын тайзнаа 80 орчим загвар өмсөгч оролцох юм байна.