Хонконгт олныг хамарсан жагсаал боллоо

Хонконгт сэжигтэй этгээдүүдийг шилжүүлэн өгөх тухай хуулийн төсөлд оруулсан нэмэлт өөрчлөлтийг эсэргүүцсэн жагсаал болжээ. Жагсаалд сая гаруй хүн оролцсон байна. Жагсаал цуглааны үеэр цагдаа нар нулимс асгаруулагч хий ашиглажээ. Долоон хүн баривчлагдсан байна.

БНХАУ-аас өөртөө засах эрх эдэлдэг Хонконг нь тус улстай гэмт хэрэгтнийг шилжүүлэн өгөх тухай гэрээ байгуулахыг сөрөг хүчнийхэн эсэргүүцэж байгаа аж. Хэрвээ ийм гэрээ хийвэл Бээжингээс хэт хараат болно гэж үзэж байгаа гэнэ.