Японд халалтын улмаас долоо хоногт 23 хүн нас баржээ

Японд хэт халалтаас болж долоо хоногт 23 хүн нас барж, 13 мянган хүн эмнэлэгт хүргэгджээ. Өнгөрсөн долоо хоногт тус улсын бүхий л газар нутгаар хэт халалт болсон байна. “Kyodo” агентлагийн мэдээлснээр Японы нийслэл Токиод халуунд нэрвэгдэгсдийн тоо 1465-д хүрчээ.

Тус улсад өнгөрсөн долоодугаар сарын сүүлчээр өдөрт 400 хүн эмнэлэгт хүргэгдэж байсан гэнэ. 2018 оны энэ үед Токиод түүхэнд байгаагүй их халуун болсон билээ.