Мадуро Хойд Солонгост айлчлах хүсэлтэй байна

Венесуэлийн Ерөнхийлөгч Николас Мадуро улсынхаа төрийн телевизэд ярихдаа “Хойд Солонгост ойрын хугацаанд айлчлах төлөвлөгөөтэй байна” гэжээ. “РИА Новости” агентлагийн мэдээлснээр Мадуро Хойд Солонгост айлчлах үүд хаалга аль хэдийн нээгдсэн гэж үзэж байгаа гэнэ.

Боливарын Бүгд Найрамдах улсын төлөөлөгчид өнгөрсөн есдүгээр сарын сүүлчээр БНАСАУ-д түүхэндээ анхны албан ёсны айлчлалаа хийсэн билээ.

Венесуэл болон Хойд Солонгосын тал технологи, аж үйлдвэр, батлан хамгаалах, хөдөө аж ахуйн салбарт хэд хэдэн гэрээ хэлэлцээр хийжээ.

Венесуэлийн Ерөнхийлөгч Николас Мадуро саяхан ОХУ-д айлчилсан билээ. Үүнийхээ дараа тэрбээр ОХУ-аас бүрэн дэмжлэг авлаа гэж мэдэгдсэн юм.