КОВИД-19 | Өмнөд Солонгост хоногт 145 хүн өвчилжээ

Өмнөд Солонгосын Халдварт өвчин судлалын төвийн мэдээллээр тус улсын хэмжээнд коронавирусээр халдварласан тохиолдол хоногт 145-аар нэмэгдэж, нийт 27195 болжээ.

Шинээр илэрсэн 145 тохиолдлын 28 нь хилийн чанадаас зөөвөрлөгдөн ирсэн байна.

БНСУ-д нийт 24821 хүн эдгэрсэн бол 476 хүн нас баржээ. Одоогийн байдлаар 2 686 314 хүнийг шинжилгээнд хамруулснаас 2 633 490 хүний шинжилгээний хариу сөрөг гарч, 25629 хүний хариу хүлээгдэж байгаа аж.

Тусгаарлалтад 1898 хүн байгаа талаар Өмнөд Солонгосын Халдварт өвчин судлалын төвөөс мэдээлжээ.