Турк Хачико: Үнэнч нохой эзнийгээ эмнэлгийн гадаа олон хоног хүлээжээ

Я.Болор | Zindaa.mn
2021 оны 01 сарын 22

Туркийн Трабзон хотод нэгэн үнэнч нохой эмнэлэгт хэвтсэн эзнийгээ эмнэлгийн гадаа олон хоног хүлээсэн байна.

Бонжүк (шүр) хочтой нохой энэ сарын 14-нд Жемал Сентурк гэгч эзнийг нь авч явсан түргэн тусламжийн машиныг эмнэлэг хүртэл дагаж давхижээ. Тэрбээр өдөр бүр эмнэлэгт ирдэг байсан гэж орон нутгийн “DHA” мэдээллийн агентлаг мэдээлсэн байна.

Сентуркийн охин Аюнүр Эгели Божүкийг гэрт нь аваачих бүрд эмнэлэг рүү буцаж гүйдэг байсан гэж ярьжээ.

Эмнэлгийн харуул Мухаммет Акденизийн хэлснээр, үнэнч нохой өдөр бүр өглөөний 09.00 цаг орчим ирж, шөнө хүртэл хүлээдэг байсан гэнэ. Хаалга онгойх тоолонд тэр шагайж хардаг ч дотогш хэзээ  ч ордоггүй байжээ.

Өнгөрсөн лхагва гарагт Бонжүкийн хүсэн хүлээсэн мөч тохиожээ. Түүний эзэн эмнэлгээс гарч, нохойгоо дагуулан гэртээ харьжээ. “Нохой маань надад их дассан. Би ч гэсэн нохойгоо үргэлж санадаг” гэж Жемал Сентурк DHA агентлагт ярьжээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
irgen(103.10.21.47) 2024 оны 01 сарын 06

nohoi hunii mash sain and muuhan hunees dr

2  |  0
Top