Туркийн ууланд жуулчин бүсгүй алга болжээ

Туркийн Анталья хотын ууланд аялж явсан украин бүсгүй сураггүй болжээ.

Одессоос Туркт аялахаар очоод алга болсон бүсгүйг хайх ажил үргэлжилж байгаа талаар Анталья дахь Украины консулын газраас мэдээлжээ.  

OBOZREVATEL-д мэдээлснээр бүсгүй энэ сарын 1-нд Турк рүү явсан байна. Тэрбээр энэ сарын 10-нд гэртээ эргэж ирэх байсан ч тавдугаар сарын 2-ноос гэр бүлийнхэнтэйгээ холбоо тасарчээ.

Бүсгүйг хайх ажилд аврагчид болон уулчид оролцож байгаа аж. Гейик Сивриси уулнаас түүний майхан олдсон байна.

Туркийн Анталья хот нь тус улсын аялал жуулчлал, амралт сувиллын гол бүс юм. Далайн боомт хот Антальяд жуулчдын аюулгүй байдлыг хангах үүднээс дүрвэгч хүлээж авдаггүй. Тус хотод дэлхийн өнцөг булан бүрээс жуулчид очдог юм.