Л.Энхсайхан: Вакцингүй залуусын өвчлөл нэмэгдэж байна

ЭМЯ-наас өнөөдөр /2021.08.06/ мэдээлэл хийлээ.

Коронавирус халдварын эсрэг вакцинжуулалтын талаар ЭМЯ-ны Нийтийн эрүүл мэндийн тусламжийн хэлтсийн Бодлогын хэрэгжилтийг зохицуулах газрын дарга Л.Энхсайхан дараах мэдээллийг өглөө.

Коронавирусний эсрэг вакцины нэгдүгээр тунд хамрагдалт 67,5 хувь, хоёрдугаар тунд хамрагдалт 61,3 хувьтай байна. Наймдугаар сарын 25 хүртэл вакцинжуулалтыг идэвхжүүлнэ.

Коронавирусний халдвараар нас барсан иргэдийн 85 хувь нь вакцинд хамрагдаагүй байсан.

Хоёрдугаар тунгаа өөр вакцин хийлгэх хүсэлт ирсэн. Ийм тохиолдолд судалгаа дэлхий дахинд байхгүй тул эхний тундаа ямар вакцинд хамрагдсан тэр вакцинаа хоёрдугаар тундаа хийлгэхийг зөвлөж байгаа.

Хэрэв нэгдүгээр тунгийн дараа харшлын шок, хүнд урвал үүссэн бол вакцин зөвлөхгүй байгаа. Хятад улсад дельта вирусын тархалт нэмэгдсэн тул хөл хорио тогтоох, тархалтыг илрүүлэх арга хэмжээ авч эхэлсэн байна. Дэлхий дахинд вакцинд хамрагдаагүй, залуу хүмүүс өвчилж байна.