ШУУД: “Build Mongolia 2022” олон улсын үзэсгэлэн эхэллээ

“Build Mongolia 2022” Олон улсын барилга, уул уурхай, дэд бүтцийн техник, дэвшилтэт технологийн үзэсгэлэн арга хэмжээ өнөөдөр /2022.04.20/ “Степпе-Арена- Мөсөн өргөө”-нд эхэллээ.

22-ны өдрийг хүртэл үргэлжлэх “Build Mongolia” буюу "Бүтээн байгуулалт 2022" нь улс орны эдийн засгийн хөгжилд хамгийн чухал үүрэгтэй барилга, дэд бүтэц, уул уурхайн бүтээн байгуулалтын салбаруудыг нэгэн дээвэр дор багтаасан техник технологийн үзэсгэлэн гэдгийг зохион байгуулагчдын зүгээс хэлж байна.

Хоёр дахь удаагаа зохион байгуулагдаж “Build Mongolia 2022” үзэсгэлэн өмнөх удаагийн арга хэмжээнээс цар хүрээний хувьд илүү өргөжиж, 10 гаруй орны 150 гаруй шилдэг байгууллагууд оролцож буй аж.  

Энэ удаагийн үзэсгэлэн арга хэмжээний дэмжигч байгууллагаар Барилга, хот байгуулалтын яам, Зам, тээврийн хөгжлийн яам, Эрчим хүчний яам, Уул уурхай, хүнд үйлдвэрийн яам ажиллаж буй бол ерөнхий ивээн тэтгэгчээр “Батсээр” ХХК, Алтан ивээн тэтгэгчээр “Тоёота Сэйлс Монголиа” ХХК, Мөнгөн ивээн тэтгэгчээр “Соёолон Интернэшнл”  ХХК ажиллаж байгаа юм байна.

ШУУД ҮЗЭХ