12 зээлдэгчийн ₮1.2 их наядын багц зээлийн асуудлыг ЗГ-аар хэлэлцүүлэх санал хүргүүлжээ

Хөгжлийн банкнаас зээл авсан  төрийн өмчит болон хувийн хэвшлийн 12 томоохон зээлдэгчийн асуудлыг Засгийн газрын хуралдаанаар хэлэлцүүлэх  саналыг Сангийн яаманд хүргүүлснээ тус банкны удирдлага мэдэгдлээ.

Эдгээр зээлдэгчдэд нийт 1.2 их наяд төгрөгийн багц зээлийн асуудал байгаа бөгөөд  одоогийн байдлаар 213 тэрбум төгрөгийн эрсдэлийн сан байгуулсан аж.

 Монголбанкнаас акт тогтоож, нэмж эдгээр 12 зээлдэгчдэд 721 тэрбум төгрөгийн эрсдэлийн сан байгуулах шаардлагыг ирүүлсэн. Гэхдээ  энэ дагуу эрсдэлийн санг байгуулах боломжгүй гэсэн мэдээллийг өгч байна.

Цаашид Хөгжлийн банкны үйл ажиллагаа, засаглалыг тогтвортой, нөлөөллөөс ангид байлгах, хариуцлагатай, олон улсын жишигт нийцүүлэхэд шаардлагатай эрх зүйн орчныг бүрдүүлэх шаардлага бий гэлээ.