Канадад сармагчны цэцэг өвчний тохиолдол 112 болж нэмэгдлээ

Канадад сармагчны цэцэг өвчний халдварын тохиолдол олноороо нэмж илэрчээ. Тус улсад сармагчны цэцэг өвчний халдварын нийт тохиолдол 112 болсон байна.

Канадын Эрүүл мэндийн яамнаас мэдээлснээр сармагчны цэцэг өвчний халдвар Квебек мужид хамгийн олон буюу 98 бүртгэгджээ. Онтарио мужид есөн тохиолдол бүртгэгдсэн бол Альберта мужид дөрөв, Британийн Колумб мужид нэг тохиолдол илэрсэн байна.

ДЭМБ-аас энэ сарын 8-нд сармагчны цэцэг өвчин дэлхий дахинд нийт 1000 гаруй хүнд халдварлаад байгаа талаар мэдэгдсэн юм.