ОХУ: Сармагчны цэцгээр өвчилсөн анхны өвчтөний биеийн байдлыг мэдээлэв

2022 оны 07 сарын 26

Хойд хөрш ОХУ-д сармагчны цэцэг өвчнөөр хүн өвчилсөн анхны тохиолдол бүртгэгдсэн билээ.

Оросын хэрэглэгчдийн эрх ашгийг хамгаалах байгууллага болох Роспотребнадзороос сармагчны цэцгээр өвчилсөн анхны өвчтөний биеийн байдлын талаар мэдээллээ.

Долоодугаар сарын 12-нд Европоос Орос руу ирсэн залуугаас сармагчны цэцэг өвчин илэрсэн бөгөөд түүний биеийн байдлыг аюулгүй гэж дүгнэжээ. Залуу халдварт өвчин судлалын нэгэн эмнэлэгт эмчлүүлж байгаа аж.

Өвчтөнийг цагаа олж тусгаарласнаар халдварын гинжин хэлхээ үүсэхээс сэргийлж чадсан байна.

ОХУ-д сармагчны цэцэг өвчнийг хатуу хяналтад авч, өөр өвчтөн одоогоор илрээгүй талаар Роспотребнадзор байгууллагаас мэдээллээ.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top