БНСУ-ын “Samsung” криптовалютын биржтэй болно

Я.Болор | Zindaa.mn
2022 оны 08 сарын 27

 

БНСУ-ын “Samsung” компани 2023 онд өөрийн гэсэн криптовалютын биржтэй болохоор төлөвлөжээ.

Энэ нь “Samsung” компанийн тоон валютын зах зээлийг зохион байгуулах чиглэлд авч буй анхны алхам биш юм. 2022 онд тус компани “Galaxy” загварын ухаалаг утсандаа “криптовалютын түрийвч” функц нэмсэн билээ.

БНСУ-ын “NewsPim” хэвлэл “Samsung” нь санхүүгийн эрх бүхий байгууллагаас криптовалютын бирж байгуулах лиценз хүссэн цөөн компанийн нэг гэж онцолсон байна. Эдгээр компанийн дунд БНСУ-ын үнэт цаасны зах зээлийн томоохон брокерын компани болох “Mirae Asset Securities Co.” мөн лиценз авах хүсэлт гаргасан байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top