Ирина Шейк, Брэдли Купер нар хамт амьдарч байгаа юу?

Супер модель Ирина Шейк, жүжигчин Брэдли Купер нар эргэн нийлсэн талаар мэдээлэл анхаарал татсаар байна.

Тэд саяхан хоёр ч удаа хамт зугаалж яваад гэрэл зурагчдын дуранд өртсөн бол энэ удаад охинтойгоо гурвуулаа Нью-Йоркийн гудамжинд салхилжээ. 

Брэдли цүнхээ барьж, таван настай Лея охин нь аав, ээжийнхээ гараас хөтөлсөн зураг олны хайрыг татаж байгаа аж.

Брэдли, Ирина нар охиныхоо цэцэрлэг, хөгжмийн сургууль руу хамт очиж, амралтын өдрийг гэр бүлээрээ өнгөрүүлсээр байна. 

Тэднийг хамт амьдарч байгаа, хоёр дахь хүүхдээ хүлээж буй гэх мэдээлэл ч гарсан байна.