157 ам.доллароор зарсан баг нь 4.4 сая ам.долларын үнэтэй байжээ

Францын өндөр настай эхнэр, нөхөр хоёр модоор хийсэн Африкийн багийг 157 ам.доллароор зарсныхаа дараа бодит үнэ нь 4.4 сая ам.доллар байсныг олж мэджээ.

“Inside Edition” хэвлэлд бичсэнээр, хоёр хөгшин эртний эдлэлийн худалдаачныг шүүхэд өгсөн байна. Тэд гэрээ цэвэрлэж байхдаа эл багийг олж, эртний эдлэлийн дэлгүүрт зарсан байна. Худалдаачин хоёр хөгшнөөс 157 ам.доллароор багийг нь худалдан авахыг зөвшөөрчээ. Түүнээс хойш хэдэн сарын дараа тэрхүү баг нь Габоны уугуул иргэдийн зан үйл хийхдээ хэрэглэдэг ховор баг байсныг сониноос олж мэдсэн байна. Багийг дуудлага худалдаагаар 4.4 сая ам.доллароор зарсан аж. Өөрсдийг нь мэхэлснийг мэдсэн даруйд тэд худалдаачныг шүүхэд өгчээ. Худалдаачин Африкийн урлагийн талаар ямар ч мэдлэггүй, дуудлага худалдааны үеэр багны бодит үнийг мэдсэн хэмээн мэдүүлжээ. Шүүх хоёр хөгшний нэхэмжлэлийг хүлээн авч, хэрэг шийдэгдтэл худалдаачны дансыг битүүмжлээд байна.