"Эрдэнэс тавантолгой" ХК Монгол Улсын топ 10 төрийн өмчит компанийг тэргүүллээ
-“ЭРДЭНЭС ТАВАНТОЛГОЙ" ХК МОНГОЛ УЛСЫН 2023 ОНЫ ТОП 10 ТӨРИЙН ӨМЧИТ КОМПАНИЙГ ТЭРГҮҮЛЛЭЭ-
Монгол Улсын Засгийн газар, МҮХАҮТ хамтран Монгол Улсын 2023 оны ТОП аж ахуйн нэгжийг эрэмбэлж, өнөөдөр танилцууллаа. Энэ жилийн хувьд төрийн болон хувийн хэвшлийн аж ахуй нэгжийг тусад нь эрэмбэлж шалгаруулсан бөгөөд “Эрдэнэс Тавантолгой” ХК Монгол улсын 2023 оны топ 10 төрийн өмчит компанийн нэгдүгээрт эрэмбэлэгдлээ.
“Эрдэнэс Тавантолгой” ХК 2023 онд 3.4 тэрбум ам.долларын үнэлгээтэй 34.1 сая тонн нүүрс борлуулж, Монгол улсын төсөвт 2.8 их наяд төгрөгийн татвар хураамж төлж, 2023 оны хамгийн өндөр татвар төлсөн аж ахуйн нэгжээр тодорсон юм.
Мөн 2023 онд 3.5 их наяд төгрөгийн цэвэр ашигтай ажиллаж Монгол Улсын 3.4 сая иргэнд 2022, 2023 оны цэвэр ашгаас нийт 1.2 их наяд төгрөгийн ногдол ашиг хуваарилсан юм.
Компанийн засаглалыг сайжруулж, өр төлбөрийг бууруулж, борлуулалт, ашиг орлогыг нэмэгдүүлж, үйл ажиллагааг ил тод болгон, биржийн арилжааг тогтмолжуулсан, хамгийн өндөр татвар төлсөн зэрэг үзүүлэлтээр 2023 оны төрийн өмчит топ 10 аж ахуйн нэгжийг “Эрдэнэс Тавантолгой” ХК тэргүүллээ.
Холбоотой мэдээ
Сэтгэгдэл ( 1 )
Ингээд бичээд байхаар бид нар чинь яалтай билээ, Ирээдүйн ээж, аав нараа хамгаалах хэрэгтэйг ЗГ, ЭМЯ өөрийн байр сууриа илэрхийлээч, албан хүчээр хүүхдүүдийг минь хордуулахыг зөвшөөрөхгүй сургуулийн захирал, анги удирдсан багш, өрхийн эмч нар хийлгэхгүй гэсэн хүүхдүүдийг загнаад хийхгүй шүү, аав ээж нараас заавал зөвшөөрсөн гарын үсэг авсан тохиолдолд хийнэ шүүүүүү\n