МУГТ Ж.Даваажав агсны нэрэмжит сонгомол, чөлөөт бөхийн 2026 оны УАШТ-ий нээлт боллоо

Монголын чөлөөт бөхийн холбооны ерөнхийлөгч Я.Содбаатар УАШТ-ийг нээж хэлсэн үгэндээ “Спортын Төв ордны “А” зааланд Монголын чөлөөт бөхийн шигшээ баг бэлтгэл сургуулилалт хийж эхэлснээ дуулгалаа.

Түүнчлэн чөлөөт бөхийн хөгжилд үнэтэй хувь нэмэр оруулж байгаа дараах дасгалжуулагчдад МЧБХ-ноос хүндэтгэл үзүүллээ. Үүнд:

• “Тэх мөнх” клубийн дасгалжуулагч Ш.Баянмөнх,
• “Орхон ирээдүйн одод” клубийн дасгалжуулагч Б.Идэрсайхан,
• “Алтайн барс” клубийн дасгалжуулагч П.Чулуунбаатар,
• “Төгс” дэвжээний багш М.Баярсайхан,
• Баянгол дүүрэг “Аваргууд академи”-ийн багш Ц.Мандалсүрэн,
• “Их шавь” клубийн багш Ц.Гантөгс,
• Налайх дүүргийн дасгалжуулагч Д.Мөнхбаяр,
• Олон улсын шүүгч Л.Болормаа,
• 73-р сургуулийн багш Ж.Дандар нарын уйгагүй хичээл зүтгэлийг үнэлж, ийнхүү дурсгалын зүйлс гардуулсан юм. 

Мөн 2025 оны шилдэг шүүгчээр МЧБХ-ны Шүүгчдийн зөвлөлийн дарга, олон улсын шүүгч Ю.Батсайхан, Улсын шүүгч Э.Пүрэвдамдин нар шалгарсныг алдаршуулж, урамшуулав. 

Нээлтийн ёслолын үеэр Монголын чөлөөт бөхийн холбооноос МУГТ Ж.Даваажав агсны гэр бүл, үр хүүхдүүдэд хүндэтгэл үзүүлж, дурсгалын бэлэг гардууллаа. Энэхүү хүндтэй ёслолд МУГТ Ж.Даваажав агсны үр хүүхдүүд:

• Хүү Д.Даваажаргал
• Охин Д.Мөнгөнцэцэг
• Охин Д.Золбоо нар хүрэлцэн ирж, оролцсон юм. 

Сонирхуулахад, сонгомол, чөлөөт бөхийн 2026 оны УАШТ-д нийтдээ 25 байгууллага, спорт хорооны харьяа 403 тамирчин оролцож байгаагаас сонгомол бөхөөр 87, чөлөөт бөхийн төрөлд 316 бөх хүч сорино.