Монгол төрийн тахилгат Бурхан Халдун хайрхныг тахих төрийн ёслол эхэллээ
Монгол төрийн тахилгат Бурхан Халдун хайрхныг тахих төрийн ёслол өнөөдөр уламжлалын дагуу эхэлж, лам хуврагууд ном хурж, тахилгын зан үйл өрнөлөө.
Тахилгын ёслолын эхэнд шашин номын зан үйлийг үйлдэн, эх орон амар амгалан, ард иргэд энх тунх, байгаль дэлхий тэгш сайхан байхыг бэлгэдэн ном айлдсан бол Бурхан Халдун хайрхны эзэн савдаг, лус сахиусыг аргадан тайтгаруулах, уул усны ариун шүтээнийг дээдлэн хүндэтгэх уламжлалт зан үйл хийгдэж байна.
Өчигдөр буюу 2026.06.22-ны өдөр Төрийн тахилгат Бурхан Халдун хайрханы тахилгын хүрээнд эзэн савдагт хүндэтгэл үзүүлж, Бурхан Халдун хайрханы Хар сүлдийг тахих ёслол уламжлалт зан үйлийн дагуу зохион байгуулагдсан.
Ёслолд идэр есөн бөөгийн төлөөлөл оролцож, тэнгэр газар, уул усны эзэд болон өвөг дээдсийн онгодод өргөл өргөж, улс орон, ард иргэдийн амар амгалан, төрт ёсны бат бэх, байгаль дэлхийн тэнцвэрт байдлын төлөө зан үйл үйлдсэн билээ.
Сэтгэгдэл ( 0 )