10 монтёрийн цалинг ганцаараа авдаг ч ажилдаа ирдэггүй "Диспетчерийн Үндэсний төв"-ийн захирал

Улсын хэмжээнд хамгийн өндөр цалинтай төрийн өмчит компаниудын захирлын 1 сарын цалинг олон нийтэд зарлаад байна. Эдгээр дунд ажилдаа ирдэггүй ч энгийн ажилчдынхаа цалинг 10 дахин нугласан өндөр цалин авдаг гэх "Диспетчерийн үндэсний төв"-ийн захирал Ч.Амарсанаа тавдугаар байрд эрэмбэлэгджээ. 

Хамгийн өндөр цалинтай 10 эрхмийг жагсааваас: 

• 1. Эрдэнэc Монгол ХХК 64,9 сая,
• 2. Эрдэнэс критикал минералс ХХК 44,0 сая,
• 3. Төрийн үнэт цаас хэвлэл 38,3 сая,
• 4. Шивээ овоо 31,6 сая,
• 5. Диспетчерийн үндэсний төв 25,7 сая,
• 6. Дарханы төмөрлөгийн үйлдвэр 24,5 сая,
• 7. Барилгын хөгжлийн төв УТҮГ 21,1 сая,
• 8.Цахилгаан дамжуулах үндэсний сүлжээ 20,0 сая,
• 9. Эрчис ойл ХХК 19,5 сая,
• 10. Эрдэнэс таван толгой ХК (ОНӨО) 19,2 сая төгрөг тус тус байна.

Эрчим хүчний салбарын ажилтнууд цалингаа нэмүүлэхээр энэ сарын 30-нд ажил хаялт зарлахаа мэдэгдэж, цаашлаад салбарын өвөлжилтийн бэлтгэл ажлаа яаж хугацаанд нь чанартай хангаж энэ өвлийг хязгаарлалтгүй давах талаар хэлэлцэж буй. Гэтэл ажилдаа ирдэггүй, асуудлаа шийддэггүй захирлууд ийнхүү төсвийн мөнгөөр цалинжиж, их хотын иргэд тоггүй өвөлчих дээрээ тулаад байна гэх шүүмжлэл газар авчээ.