Газрын тосны ханш эргэн өсөж эхэллээ
АНУ болон Ираны хооронд тодорхойгүй нөхцөл байдал хэвээр байгаагаас үүдэн буураад байсан газрын тосны ханш эргэн өсөж эхэллээ. Даваа гарагийн арилжаагаар брент маркийн газрын тосны фьючерс ханш 0.7% өсөж баррель тутамдаа 84.39 ам.долларт хүрчээ. Уг нь хоёр талын харилцан довтолгоон суларч, Ормузын хоолойн дээр нааштай байгаа гэх мэдээллийн дараа газрын тосны ханш 7 орчим хувиар буугаад байсан юм.
Түүнчлэн WTI төрлийн газрын тосны ханш 0.7% өсөж, баррель тутамдаа 80.95 ам.долларт хүрчээ. Энэ төрлий газрын тосны ханш өнгөрсөн долоо хоногт 5% давж буугаад байсан билээ. Цаашид олон улсын нөхцөл байдлаас шалтгаалан алгуур ч гэсэн газрын тосны ханш эргэн өсөх хандлага ажиглагдаж байна.
АНУ-ын Ерөнхийлөгч Доналд Трамп Ираны талтай түүхэн хэлэлцээ хийж, Ираныг цөмийн зэвсэггүйжүүлэхэд нэг алхам урагшилна гэж мэдэгдсэн ч Ираны талаас үүнийг эрс үгүйсгэлээ. Ямар нэгэн байдлаар АНУ-тай хэлэлцээ эхлээгүй гэж мэдэгдсэн нь зах зээлд ийнхүү савлагаа үүсгээд байна.
Сэтгэгдэл ( 0 )