ИНЕГ-ын ”Э” гэх эрхэм 783 сая төгрөг угаасан нь тогтоогджээ

ИНЕГ-ын хэлтсийн дарга Э гэгч нь иргэн Д-тэй бүлэглэн 783 сая гаруй төгрөг угааж байсан нь тогтоогдсон талаар Цагдаагийн ерөнхий газраас мэдээллээ.  Тодруулбал,  өнгөрсөн оны хоёрдугаар сард ИНЕГ-ийн зорчигч бүртгэлийн сүлжээний сонгон шалгаруулах төсөлд зарцуулах төсвийн хөрөнгөөс мөнгө завшсан байна. Мөн ИНЕГ-ын хэлтсийн дарга Э нь  Хонг-Конгийн нэр бүхий таван компаниар дамжуулан дээрх мөнгийг угаасан гэнэ. Түүнийг одоогоор ШШГЕГ-ын харъяа 461-р хорих ангид саатуулан шалгаж байгаа гэлээ.  Эрүүгийн хуулийн 150-р зүйл ангиар шалгаж байгаа юм байна.