АИ-92 шатахууны 11 хоногийн нөөцтэй байна

Өнөөдөр буюу наймдугаар сарын 5-ны өдрийн байдлаар Монгол Улс автобензин, дизель түлшний нөөцөө хэвийн түвшинд хадгалж байгаа бөгөөд: 

• АИ-92 шатахуун 11 хоног
• АИ-95 шатахуун 13 хоног
• Дизель түлш 18 хоног
• Онгоцны түлш 10 хоног нөөцтэй байгааг Шуурхай штабаас мэдээллээ.

Мөн наймдугаар сарын 01-05-ны өдрүүдэд Монгол улсад 162 вагон 9720 тонн АИ-92 автобензин орж иржээ.

Шуурхай штабын шийдвэрээр Улаанбаатар хотод зохицуулалт хийж эхэлснээр нэг өдөрт шатахуун авсан машины тоо 38.000-аас 115.000 болж хүртээмж 2.5 дахин нэмэгджээ.

Шатахуун түгээх станцуудад шатахуун татан авалт хийх хүртэлх хугацаанд нөөц тасалдахгүй болж дугаарлалт буурсан талаар албаныхан мэдээллээ.