Д.Оюунтуул: Би ирээдүйнхээ талаар маш их санаа зовж байна

Таны биеийн байдал ямар байна вэ?

Одоогийн байдлаар зовиур гэх юм бол бага зэрэг халуурах гээд байна. Халуун бууруулдаг, өвчин намдаадаг лаа байнга хэрэглэж байгаа. Боолтын хувьд хоёр удаа боолтонд ороод байна. Одоо гурав хонож байж боолтоо солиулдаг юм байна лээ. Тосон түрхлэг бүтэн биеэр хийж байгаа. Түлэгдэлтийн хэмжээ, зэргийг би энгийн хүн учраас сайн мэдэхгүй. Эмч нар л тодорхойлж, сайн мэдэж байгаа. Миний мэдэж байгаагаар нурууны хэсэг, хүзүү, урд цээж болон хөхий хэсгээр түлэгдсэн. Эмч нар талбай их томтой байна. Гүнзгий түлэгдсэн байх магадлалтай хэсэг хоёр гурав байна гэж хэлсэн. Бусад нарийн ширийн зүйлийг та бүхэн эмчээс тодруулж болно.

Та хуулийн байгууллагад хандсануу?

Хуулийн байгууллагад хандсан. Нийгмийг ихээр зочирдуулсан, ялангуяа эмэгтэйчүүд, ямар нэг харгис хэрцгий алуурчин тонуулчин хүмүүс биш, урлагийн хүмүүс, уран бүтээлч бүсгүйчүүд хэрнээ ийм муухай балмад хэрэг гаргасандаа миний зүгээс маш их харамсаж байгаа.

Тиймээс би үзэгчидээсээ, ард түмнээсээ болон, сонин сэтгүүл уншиж бүхий л мэдээллийг авсан нийт хүмүүсээс би өөрийн зүгээс албан ёсоор уучлалт хүсмээр байна.

Бидэн шиг охин үртэй олон олон аав ээжүүд бий. Гэтэл нийгэм ийм аймар болсон юм уу гэмээр аймшигтай, олныг зочирдуулсан хэрэгт холбогдсондоо би маш их харамсаж байна. Үүндээ гүн харамсаж байна.

Би Шинэ үе продакшнд 2006 оноос хойш харъяалагдан ажиллаж байгаа. Гэтэл миний ажил амьдралыг залгуулж өдий зэрэгт хүргэсэн “Шинэ үе” продакшны олон уран бүтээлчид болон Бооёо захиралыгаа сэтгэл санааны гүн хямралд оруулж, хамт олныгоо зүгээр байхад нь эвгүй байдалд оруулж, бид хоёрын хувийн маргаанаас болж, тэднийхээ нэр хүндэд халдсандаа маш их харамсаж байна.Тэднээсээ бас түмэнтээ уучлал хүсмээр байна.

Би анх удаа л ярилцлага өгч байна. Миний бие муу байсан болохоор ямар нэг тодорхой мэдэгдэл хийх, ярьж хэлэх хүнд байсан учраас өмнө нь ямар хэвлэлийн байгууллагад мэдэгдэл өгөөгүй.

Та хоёрын хувьд нэг продакшны жүжигчид учраас нэгнээ уучлаад эвлэрээд салах боломжтой. Ард түмэн ч бас та хоёрыг пордакшныхаа нэр хүндийг бодоод ямар нэг гомол гаргахгүй байх гэсэн хандлагатай байна. Харин та яагаад заавал хуулийн байгууллагад хандах болов?

Би хуулийн байгууллагад хандснаар юмыг үнэн зөвөөр нь шийдэх ёстой л гэж бодож байна. Хүн ер нь өөрийгөө өмөөрч ярина. Ямар ч хүн тийм л байдаг шүү дээ. Алдармаа дээр очсон ч тэр хүн өөрийгөө өмөөрнө. Би ч бас өөрийгөө л өмөөрнө. Тийм болохоор яг үнэн зөвийг хуулийн байгууллагынхан шийднэ гэдэгт би итгэлтэй байна. Ард түмэн ч гэсэн хүний үгээр үг хийхгүй үнэн зөвийг мэдэх хэрэгтэй.

Та хоёр юунаас болж маргалдсан юм бэ?

Алдармаа бид хоёрын яг цэвэр хувийн асуудал. Бид хоёрын маргаан продакшнтай болон хэн нэг хүнтэй холбоотой биш. Уран бүтээл болон, жүжгийн дүрээ булаацалдсан, эр хүн булаацалдсан зүйл бол...Энд дарж цааш уншина