Зэвсэгт хүчний тухай хуулийн төслийг хэлэлцэж байна

УИХ-ын үдээс хойших чуулган эхэллээ. Үдээс өмнөх чуулганаар Батлан хамгаалах тухай хуулийн шинэчилсэн найруулгын төлсийг хэлэлцэх эсэхийг хэлэлцсэн. Ингээд санал хураалт явуулах гэтэл гишүүдийн ирц хангалтгүй байсан тул үдээс хойших чуулганаар санал хураахаар болсон юм.

Тиймээс үдээс хойших чуулганы эхэнд Батлан хамгаалах тухай хуулийн төслийн хэлэлцэх эсэхээр санал хураалт явуулж гишүүд дэмжлээ. Ингээд хуулийн төслийг анхны хэлэлцүүлэгт шилжүүлэхээр Аюулгүй байдал, гадаад бодлогын байнгын хороонд шилжүүллээ.

Яг одоо хэлэлцэх асуудлын гуравдугаарт багтсан Зэвсэгт хүчний тухай /шинэчилсэн найруулга/ болон холбогдох бусад хуулийн төслийг хэлэлцэж эхэллээ.